Ustad Bayrami Allahverdi Ağarza zoə 08.08.1946-nə sori Masali di Mədoədə moəku bıə. Mədo miyonə məktəbədə (1954-1965); BDU filoloji fakultədə (1965-1970) təhsil səşe. 41 sor (1979-2011) Ostoro (1970-1974), Masalli rəyonon  məktəbonədə ( 1974-1979) miəllim ko kardəşe. Esət pensiyədəy. 

1960-nə soriku dovri mətbuatədə çəy məqalə, şeeron dərc bedə. Tolışi zıvoni, tolışi ədəbiyoti tədğiğ kardedə. Muasiron əy bənə şair, zıvonşunas, ədəbiyotşunas, tənqidəvon zınedən. 9 kitobi mıəllife.

De səmimi dıli çəy movardə ruji təbrik kardedəmon, bəy xəşəconəti, mənəynə umur, qeşə ofəyəvonəti orzu kardedəmon. Movardə ruj bud bıbu, Bayrami!

İradə dodo təbrik kardeydə şıməni Allahverdi miəllim. Xıdo şıməni vey nızno bo Tolışə xəlği. Har vaxt hozon bo xıdmət kardey zıvoni roədə. Şımə moavardə rujon bud bıbu. Bə Xıdo dıvo kardeydəm ki, bıdə əv ın səfə şımə dıli piyə baxşə bıdo bəşmə, çumçıko Əv ğadirə Xıdoy.

BƏŞTƏ RO

Dınyo dimə sipi-siyoy,
İ baxş zəmin, se baxş dıyoy.
Çe ton həmoy, çə ton kuyoy,
Çəp bəştə ro, rost bəştə ro.

Xəy de şəri kizlə bıvən,
Qıləy şine, qıləy təvən.
Bə hesbəse rujən, şəvən;
Du bəştə ro, rost bəştə ro.

Rijə jəydən bənə honi,
Se kəs sıvneydə zivoni.
Sa kəs vəteydə əvoni,
Cır bəştə ro, kas bəştə ro. 

Vey zumande deşmenımon,
Volo beydə har onemon.
Bə Xıdo mandə umimon.
Bəd bəştə ro, xos bəştə ro.

Iştə koədəy çe osyo çəx,
Sə dojneydə əçəy çəx-çəx,
Po qətdəni tolışi həx,
Du bəştə ro, mos bəştə ro.

Tolış xəlqi çəy avlodon
Okırneydən hay bə i ton.
İcoədə mən, co-coədə ton!
Yad bəştə ro, dust bəştə ro.

Bəxt nıvıştdə, maq moleydə,
Xəy kaşteydə, şər pəleydə.
Millət de dardon qıleydə,
Biz bəştə ro, pəs bəştə ro.

Fevral, 2014 

BO KALİ TOLIŞON

Şımə sırkə  çe tınde?
Yəndı coni çoknedon!
Deşmeni noğo doydon, 
Dusti dıli toknedon.

Bəyəndı beyəton ni,
Icoli ğeyrəton ni,
Pan qətə ibrəton ni,
Şəv-ruj yəndı tıknedon.

Ko-pişon “bıjən-bıjən”,
Yəndı kudon çan bəjən,
Emardəni ğeyz ijən,
Ta coni bə xok noedon.

Həmə oqardon bə lus,
Yəndı həvatdon bə luz,
Mandon qıləy astə-pus,
Nışdon, mafə loknedon?!

08.12.2013

RUKIM AZ

(Ruşinə kulikim az,
Ğıvoşə bə lukim az.
Iştı şə sahatiku
Obıryə bə sukim az.)

(Musəddiq Kəmali)

Penə Myonku cıvonbəm,
Mado məzə çovonbəm,
Şinə qəpə zıvonbəm,
Tolışə hi xokim az.

Iştə inə sodiğım,
Çəy zıvoni aşiğm,
Dıyo ov, bandi sığim.
Bırzə məzə, tukim az.

Se hovə sır edome,
Ço kinə bə şu dome.
Bə vəşti po şodome,
Vey kəsonsə çokim az.

Şık bə Xıdo, har vədə
Vədım mandə ğıvvədə.
İnə Vətəni vədə
Qınokor nim, pokim az.

Əli Nasiri bıvəm,
İradə dodo hivəm,
Tofiqi çəşi şıvəm,
Xanəlisə rukim az.

03.05.2014