Imruj, 22 noyabr 2013-nə sor tarixədə çı Tolışi yolə şair-dramaturq Əli Nasiri "Kəllə-poça" pyesi səhnə həlli oxınnə məşqon(proqonon) barədə, həmonə tamaşa rejissori, çı Tolışi ve mərd, dıləsut, şərofətin, ləyoğətinə kinə de Könül Rəsulova 2 kərə telefonə söhbətmon ka.
Zınəm ni ki, ımruj çəmə xanımə kinə movardə ruje bənəm?!
Könülən ki, Xıdo nığo bıdə, ın kinə ve təvazokar qıləy balaye!
Amma, əv ıştən ve həssos, veyən diqqətinə insone!
Iştə ətrofədə bə həməkəsi qayğı nışo bədo!
Duzyəti, bəştə sıxani soyb be çəy prinsipe, jiyemoni kredoye!
Hiç vaxt imkon ni bədo ki, bəyən i kəs dıvu bıvoto! Dıvuəvujə odəmi ciddi tanbe bəka!
KÖNÜL, TI NOM-XIDO, HƏZO NOM-XIDO, AĞILMAND, SƏVODİN, REÇİN, ŞUX QAMƏTİN, SİYO ÇAŞ, SIPİPUŞKƏ, ƏN ƏSOSİ ISƏ BOY, TOLIŞPƏRVƏR QILƏY RUŞİNFİKƏ CIVONƏ KİNƏŞ!
Mı, "əhsən, bərakalah!" otdəm bəştı pı-moə! Xıdo bəvon dırozə umur, xəşə con bıdə!Bıjion ki, bənə TI ve şəxsiyyətinə fərzənd perosnəjone!
Hiç şubhəm ni ki, xoşbəxtəti IŞTI taleh vəfomandə həmroye! Çumçıko, TI ıştə həmyaşonsə fərqin, ıştə cıvonəti ve məhsuldar dəvondəş, bəştə xalqi milli-mənəvi dəyəron həm hurmət, həmən dıli-sıxto xidmət kardəş!
Azən, IŞTI movardə ruji həm ıştə nomo, həmən çı Azəri - Tolış İctimoi İbemoni İdarə Heyəti nomo dıli-sıxto təbrik kardəm!
Xıdo tıni xoşbəxt bıkə! Xıdo tıni bo TOLIŞİ nığo bıdə! Xıdo tıni boştı pı-moəro nığo bıdə! Xıdo tıni bəştı loyiğ bə qıləy TOLIŞƏ zoə ğısmət bıkə!
Mehdibəy Səfərov
Azəri – Tolış İctimai İbemoni sədr
