Tolışon bənə qıləy milləti ın problemi həlkayro "Kinəbəkinə" formədə qıləy adətjon bə məydon varde. Im problemi qismən həl bıkoən əlavə problemonjən baməl varde. Im izdivac nübəbənübə be qornə iminci qəmi şodoə ailə ımi dıminci ailə zuəxəyləği nıvindiədə yaən zuə rozi nıbiədə iminci ailən bə rık vılo kardən. Esən jıqo qıləy proses şedəki jenmardə yaşinə tolışə merdon ım mandə kinon sedən. Əncəxki ım problem demi həl bedəni.
Az bə həmmə tolışon nəzə ımım rosne pedəki, əmə ıştə xalqi ha adət-ənənə hastiədə, bəştə milli "florə" çənə ziyan jedəmon. Nəticədə ursiyətdə jiə tolışonki hestbe, əvon lap navko şəbin de orisonjon ailə bastəbe, çəvon veyni ailə vılobə. Əvon ve çətinə piəmerdəti dəvondən. Bokuədə de co milləton ailə bastə tolışonən hiçnıbu niməbənimə bə beuğurəti rast omən.
Bolion, xususən ım bə cıvonə nəslon aide, boən ıştə milləti tale ıştənbəsə vamədəmon. Im problem milləti probleme. Əv şıməhon həmmə ailədə yaən nezə odəmon ailədə heste. Ailə baseədə ıştə millətədə, ıştə elədə, ıştə ğomonədə vıjın bıkən.
