Əməhonki çənə ıştə dasti de lınqi bə ko bıdəmon, əncəx ıştə luzi sikay fiki bəkamon. In tırkon hejo boəmə ım şoğəribə donzə məsələ ləğləğə bəkan. Həviconi dasti-lınqi bə ko doəkəs əncəx tobin donzə bo kokay petove bəzne. Çə koy bəhrə kamişi ıştən vinde bəzne. Əmandə bəhrə ləğləğəəkon bəvinde.
Micalçun tolış moy de sa zulımi qətdə, əmmaki çəy kuru bə xaric həvate zındəni. Dast-poçə kuye-kuye zulmi əv kəşdə, bəhrə cokəs vində. Əveki, əni vəse, boən donzə bəpeştən ıştə səy bıdəmon bəko.
İnsoni sə boəy, dast-poçə esə boy bo co kəson kobəka. Im qıləy aksioməye. Kokardə sə əncəx bəştə sərvəti xıvand beşe bəzne. Sə kobıko bədəniyən idarə bəka. Ko nıko, çəy bədəniyən cokəs idarə bəka. Milləti sə ko bıko ıştən ıştəni idarə bəka. Ko nıko, əy co milləton idarə bəka. Hələ boəy ləğləğən bəka. Im tarıxi dırozi hejo jıqo bə, jıqoən bəbe.
İqlə sıxan boən zəhmət bıkəşəmon ıştə səyən bıdəmon bə ko. Mı bımim bino kardə. Im yazimən donzəku xəyli bəpeşt nıvıştə...