Главная » 2012 » Октябрь » 5 » 3 oktyabrda AŞ PA divarları arasında Azərbaycan “siyasi məhbus” anlayışının Avropa qavramasının təsiri altına düşdü

---

19:34 3 oktyabrda AŞ PA divarları arasında Azərbaycan “siyasi məhbus” anlayışının Avropa qavramasının təsiri altına düşdü

Avropa Şurasının siyasi məhbuslar üzrə almaniyalı məruzəçisi Kristof Ştrasserlə Azərbaycan hökuməti arasında çoxillik qarşıdurma, nəhayət, məntiqi nəticəsinə çatdı. Avropa Şurası "siyasi məhbus” anlayışına rəsmi tərif verilməsi barədə qətnamə qəbul etdi. Qətnamənin tərəfdarları və əleyhdarları kəllə-kəlləyə gəldi və lehinə 89 və əleyhinə 89 səs olmaqla ovsunlu vəziyyət yaratdılar və səsvermə qətnamənin qəbulu ilə nəticələndi. Kabbalistik numerologiyaya və rəqəm magiyasına görə, 89 xoşbəxt rəqəmdir. sonsuzluq və dövriliyi bildirən səkkizguşəli ulduzun rəmzi olan 8 səbəb-nəticə əlaqəsini təcəssüm etdirir, tarazlıq pozulanda  labüd cəza və qisas deməkdir. 9 isə tam başa çatmanı təcəssüm etdirir. Tarixi gün olan 3 oktyabrda AŞ PA divarları arasında bundan sonra Azərbaycan və 3 oktyabr 1990-cı ildə avtoritar ADR-i demokratik AFR konstitusiyasının təsiri altına alan Almaniya "siyasi məhbus” anlayışının Avropa qavramasının təsiri altına düşdü. Azərbaycandakı siyasi məhbuslar üzrə xüsusi məruzəçi Kristof Ştrasserin 13011 saylı məruzəsi üzrə "Siyasi məhbus anlayışının tərifi" qətnaməsi lehinə 100, əleyhinə 64, 12 bitərəf olmaqla qəbul edildi. Öz siyasi opponentlərini narkoman, xuliqan, dini fanatik, terrorçu adlandırıb türmələrə dolduran Azərbaycan hakimiyyəti indi ölkədə başqa cür düşünənləri boğmaq üzrə məşum sistemdən məhrum edilir. Bu faktdır ki, siyasi məhbus anlayışının yeni şərhi cəza çəkənlər arasında siyasi məhbus kimi qəbul edilənlərin sayını artıracaq. Əgər əvvəllər söhbət 50 siyasi məhbusdan gedirdisə, indi Azərbaycanın hüquq mühafizə sisteminin ədalətsiz məhkum etdiyi adamlar da siyahıya daxil ediləcək. AŞ PA üzücü və sərt debatlardan sonra qətnamənin qəbuluna səs verərək öz meyarlarına dəstəyini təsdiq etdi. Onlar Azərbaycanda cəza sistemində inqilabi dəyişikliklərlə nəticələnəcək və qanunun bütövlükdə hakimiyyətin və ayrı-ayrı şəxslərin xeyrinə volyuntarist yozumunu ciddi şəkildə məhdudlaşdıracaq. Əgər bundan sonra hər hansı şəxs saxlanılan zaman İnsan Haqlarının qorunması üzrə Avropa Konvensiyası və onun protokollarında göstərilən aşağıdakı meyarlar pozulubsa, bu hallarda həmin şəxsə siyasi məhbus kimi baxılmalıdır: a) saxlanma fikir, vicdan və din azadlığı, fikrin ifadə olunması və informasiya azadlığı, toplaşma və assosiasiya azadlığı pozulmaqla həyata keçirilibsə; b) saxlanma istənilən cinayətlə əlaqəsi olmadan siyasi səbəblərdən həyata keçirilibsə; c) həbsdə saxlamanın müddəti və ya onun şərtləri şəxsin ittiham olunduğu cinayətə proporsional deyilsə; d) vətəndaş digər şəxslərlə müqayisədə ayrı-seçkilik əsasında saxlanıbsa və ya saxlama ədalətsiz məhkəmə çəkişməsinin nəticəsidirsə və bu, hakimiyyətin siyasi motivləri ilə bağlıdırsa. Məsələnin siyasiliyində «a» və «b» bəndləri üzrə hər şey aydındırsa və Azərbaycanda siyasi məhbusların müəyyən edilməsində məhz bu iki bənd əsas olurdusa, indi çərçivə xeyli genişlənir və hüquqi diskriminasiyaya və ifrat cəzaya məruz qalan şəxsləri də əhatə edir. Sonuncuların sayı isə həddən artıq çoxdur və yüzlərlə yox, minlərlə məhkum vətəndaşı əhatə edir. Siyasi məhbus anlayışının yeni şərhinin qəbulu hakimiyyəti öz arzusuna zidd olaraq məcbur edəcək ki, Stalin tipli mövcud cəza sistemini dəyişib yeni reallıqlarla razılaşsın və cəza telefon zəngi və ya maddi hüquqlardan yox, qanunun mahiyyətindən doğsun. Yüz ilə yaxın mövcud olan cəza sisteminin dağıdılması bir günün işi olmayacaq, ancaq 3 oktyabrda AŞ PA divarlarında baş verənlər artıq kriminal Azərbaycanın tarıxının səhifəsini çevirir və bütün hüquqsuzluq sisteminin ədalət sisteminə çevrilməsinə yol açır. Bu da öz növbəsində bütün repressiv maşının dağıdılmasına və hüquqi dövlətin qururlmasına təkan verəcək. Əgər numerologiyaya əsasən ikirəqəmli 89-u yaradan təkrəqəmliləri toplasan: 8+9=17, sonra da davam edərək toplasan 1+7=8, bu nəticəyə gəlirik ki, "siyasi məhbuslar"a görə cəza labüddür. Turan Analitik Xidməti

1 2 3 4 5 Категория: Beynəlxalq hüquq | Просмотров: 1816 | Добавил: admin | Рейтинг: 5.0/1

Всего комментариев: 0