 Bismillahir-rəhmanir-rəhim.
57 yaşı zalım hökümətin həbsxanasında tamam olan əziz atamız Ruhullah Axundzadə!
Biz sənə Peyğəmbər [s] və Onun əhli beyti ilə məşhur olmağı, tanınmağı arzulayırıq. Həmişə əlin haqqın ipində olsun, Allahın dininə xidmət edəsən, inşallah.
Atacan, sən bizə Kərbəla faciəsi haqqında danışanda maraqla qulaq asıb qəmlənərdik.
Amma bu il İmam Hüseynin [ə] qızlarının nə qədər əzab çəkdiklərini zərrəcə olsa da təcrübə etdik, yaşadıq.
Ölkəmizin müsəlman qadınları və qızlarının hicab taxmasına, örpək bağlamasına qoyulan qadaqa üçün müsəlman Azərbaycanın qeyrətli oğulları "hicaba azadlıq” deyib mubarizəyə qalxdı, ana-bacılarının hicabını mudafiə etdi.
Mövsüm Səmədov kimi bir alim hakimiyyəti muaviyələrin, yezidlərin idarə etdiklərini bəyan edəndən sonra onu həbs edib, onunla bərabər neçə-neçə ruhanilərimizi, möminlərimizi şərlədilər. Sənin 56 yaşın tamam olan gün qonşu həyətə yerləşdirdikləri silah-sursati sənin ayağına yazıb bizim gözlərimiz qarşısında həbs etdilər, bizdən ayırdılar. Sən gedəndə anamız bizə dedi təkbir deyin, biz də göz yaşı içində "Allahu əkbər, Allahu əkbər” - dedik. Sən o an bizə sənin tutduğun Allah yolunu davam etdirməyi tövsiyə etdin. Atacan, bu hökumətin Doktor Səmədov tərəfindən tanıtdırılan xisləti bu il muhərrəmdə möminlərə aşikar oldu.
Ümüdvarıq ki Yezid və onun tərəfdarları necə xar, rusvay oldu bu hökümətdə və Allahın bəlasına düçar olacaq, inşallah. Sənin ayrılıqın bizim üçün çətin olsa da səninlə fəxr edirik. Ata həsrəti ilə bizim kimi aqlayan qızlar və oğlanlar çoxdur. Fatimələr, Ümmü Gürsümlər, Zeynəblər, Məryəmlər, körpə Nərgizlər, Əlilər, Mürsəllər… Ata şəkli ilə yatan onlarla anaların göz yaşlarına şahid olan uşaqlar var.
Atamı niyə həbs etdilər deyəndə anaları onlara İmam Hüseyndən (ə) danışır, həzrət Rüqəyyədən, Əli Əsğərdən danışır. Yezidin İbn Ziyadın Hərmələnin zülümlərindən danışır.
Zülmə baş əyməyən bütün əzizlərini Dinə, Qurana qurban verən İmam Hüseynnin və onunla bərabər qətlə yetirilən Kərbəla şəhidlərinin və əsir ailə-övladların haqqında danışırlar. İndi dərk edirik ki, nə üçün tarix boyu vəzifəpərəstlər, munafiqlər dinlərini satanlar İmam Hüseyn və onun Kərbəlasından qorxublar, İmam hüseyn [ə] üçün saxlanan əza mərasimlərinin qarşısın almaq istəyiblər.
Biz istəyirik bütün möminlərin uşaqları İmam Hüseynin [ə] Kərbəlasın dərk etsinlər. Bir gün haqqı mudafiə edən, dininin yolunda mubarizə aparan atalarını zalımlər növbənöv böhtanlarla həbs etdikdə onlarda heç bir sual yaranmasın və onlardan da niyə atanızı həbs etdilər sual edildikdə cavab verməyə hazır olsunlar.
Bizim atamız haqqı dediyi üçün həbs olunub, o cinayəkar deyil. Əgər haqqı deməsəydi onda cinayəkar olardı. Bizim Allah yolunda həbs olunan atamız sizin kimi kişilərin azadlıqı, millətin ləyaqətinə ləkə gətirən eurovisionun zəhmətkeşlərini qorxudur. Ümüdvarıq cismi zindanda olmayan, vətəni onlara zindan olan oğullar atalar və Azərbaycan xalqı sionislərin hiyləgərcəsinə müsəlmanların şərəfini ayaq altına salmasına yol verməyəcək, inşallah.
Atacan, səninlə bərabər zindanda olan bütün ata və qardaşlara azadlıq arzulayırıq. Dini qanunlar ölkəmizdə azad olana qədər bu yolda susmayıb və qorxmayıb "Ya Hüseyn” deyib mubarizə aparacağiq. Sozümüzü atamızın həmişə bizə soylədiyi hədislə tamamlamaq istəyirik. Atam deyərdi ki, İmam Sadiq buyurur: "Allah-taala azğınlaşmış, zülmlə dolu olkəyə əzab göndərmək məqsədi ilə iki mələyi oranı viran qoymaqa mənur edir.Mələklər o olkəyə çatanda olkənin ibadətgahlarında səcdəyə düşmüş və ibadətlə məşqul olan insanları müşahidə edib Allaha ərz edirlər ki, ey Allah, azab məqsədi ilə göndərdiyin olkədə xeyli abıd insanlar var . Allah buyurur ki, ey manim mələklərim, mən nə etdiyim işın hikmətin yaxşı bilirəm. Onların etdiyi ibadətlərin heç biri qəbul deyil. Ona görə ki onlar yaşadıqları ölkədə baş verən zülmə qarşı və dinimə gələn zərbələr muqabilində susublar. Hətta bir dəfə də oz dilləri ilə və əməlləri ilə etirazlarını bildirməyiblər... Biz atamızın dediyi bu hədisdən özümüzə ornək götürərək bütün Azərbaycan xalqını zülmə etiraza çağırırıq!
Hicab məhbusu Ruhullah Axundzadənin övladları
|
