Главная » 2011 » Июль » 5 » Eynulla Fətullayev hakimiyyəti hirsləndirib
22:11
Eynulla Fətullayev hakimiyyəti hirsləndirib
"Avropa Şurasının komissarı, fraksiya rəhbərlikləri, komissiya üzvləri və AŞ-nın Nazirlər Kabinetinin nümayəndələri və digər rəsmilərlə görüşlər keçirdim. Görüşlər zamanı Azərbaycanda insan haqları və media azadlıqları ilə bağlı durum barədə bütün rəsmilərə məlumat verdim."
Bu sözləri jurnalist Eynulla Fətullayev Avropaya səfərinin təəsüratları ilə bağlı keçirdiyi konfransda səsləndirib.
Səfərinin AŞ-nın baş katibi Työrborn Yaqlandın təşəbbüsü ilə baş tutduğunu qeyd edən Eynulla Fətullayev, səfərinin çox faydalı olduğunu bildirdi: "Səfər zamanı Avropa Şurasının baş katibi Työrborn Yaqla, Avropa Şurasının insan haqqları üzrə komissarı Tomas Hunderliqlə, eyni zamanda Avropa Şurasının siyasi məhbuslar üzrə məruzəçisi Kristof Ştrafel ilə görüşlər keçirdik. Görüşlər zamanı Azərbaycanda insan haqlarının pozulması, siyasi məhbuslar və media azadlıqları barədə məlumatlar verdim. Eyni zamanda Avropa ittifaqındada maraqlı görüşlər keçirdim.
Kristofel Ştrasellə görüşdə təşəbbüs irəli sürdük. Belə ki, onun Azərbaycana gəlməsini təklif etdim. Lakin o bildirdi ki, mənim Azərbaycana gəlməyim üçün Azərbaycana hakimiyyəti rəsmi olaraq dəvət etmək istəmir və bizimlə əməkdaşlıq etmir. Hətta hakimiyyət Ştrasellə viza verməkdən də imtina edib. Lakin biz Ştraselli qonaq kimi özümüz dəvət etdik. Artıq bununla bağlı məktub da göndərilib."
Azərbaycandakı durumla bağlı məlumat verərkən bütün iştirakçıların və Avropa rəsmilərinin həddən artıq təəccübləndiyini deyən Eynulla Fətullayev, Azərbaycanın beynəlxalq aləmdə imicinin həddən artıq bərbad vəziyyətdə olduğunu qeyd edib: Bəzən olur utanrdıq deyək ki, biz Azərbaycanlıyıq. Ona görə ki, artıq bütün beynəlxalq aləmin ölkədəki durumdan xəbərləri var. Mən deyəndə ki, jurnalistlik fəaliyyətimə görə üst-üstə 18 il azadlıqdan məhrum edilmişdim, hətta Afrikadan gələn qonaqlar belə başlarını tutaraq təəccüb etdilər".
Səfər zamanı Wikileaks, "Guardian" və digər qəzetlərin nümayəndələrinin iştirak etdiyi konfransda çıxış etdiyini deyən keçmiş siyasi məhbus, "Wikileaks rəhbərinin müavini və "Guardian" qəzetinin nümayəndəsi ilə müzakirələr apardıq. Mən bunlara bildirəndə ki, ölkə prezidenti hakimiyyətdə olduğu 7 il ərzində bir dəfədə olsun mətbuata müsahibə verməyib, onlar həddən artıq təəccüb etdilər. Əldə etdiyimiz məlumata görə, bizim bu görüşdən sonra Azərbaycan hakimiyyəti bu görüşdən bərk qəzəblənib", - deyə bildirib.
Sonda fəaliyyəti ilə bağlı məlumat verən Eynulla Fətullayev bununla bağlı beynəlxalq təşkilatlardan və Avropa dövlətlərindən dəstəyinin ehtiyac olduğunu bildirdi.
