 Artıq illər keçir, insanlar dəyişir, fikirlər donur, laqeydlər çoxalır... Əcaib hala salınmaqda olan cəmiyyətimizi qarnından uzağı görməməyə sövq edən hakim YAP uzun illərdir ki, fərqinə varmadan millətindən, irqindən, cinsindən asılı olmayaraq, olmazın işgəncə, şantaz, təhdid, təhqir, aclıq, səfalət, hicrət və vətəndaşların bütün hüquqlarından məhrum edilməklə Azərbaycanı Misir, Liviya və yaxşı halda Bəhreyn olaylarına bənzər bir inqilaba təhrik etməkdədir.
Hər kəsin gözü önündə, iqtidarın tərif və tərənnüm etdiyi "Azərbaycandakı insan haqları və ifadə azadlığının” çox kobud şəkildə pozulmasını görürük. Mərhum tasrixçi alim, akademik Ziya Bünyadov, DİN-nin müavini, OMON-un komandiri polkovnik Rövşən Cavadov, jurnalist Elmar Hüseynov və professor Novruzəli Məmmədov kimi insanlar hakimiyyət tərəfindən qətlə yetirildi. Saysız-hesabsız dindarlarımız şərlənərək türmələrə salınmış, azad sözə görə jurnalist Əvəz Zeynallı, alim, hüquq müdafiəçisi, "Tolışi Sədo” qəzetinin baş redaktoru Hilal Məmmədov şərlənib, işgəncələrə məruz qalaraq hələ də azadlığa buraxılmırlar.
Bir qədər yaxın keçmişə ekskurs edək. Məlumdur ki, AXC- hakimiyyəti dövründə H.Əliyev Naxçıvanda oturub, Azərbaycan hakimiyyətini saymadan, Ermənistan, Türkiyə, İran, və Rusiya ilə "separat” danışıqlara girib, sərbəst şəkildə müqavilələr bağlaması yəqin ki, inkaredilməz faktdır.
Ardıcıl olaraq Vətən torpaqlarının erməni qəsbkarlarına peşkəş edilməsi, ölkə daxilində ictimai-siyasi vəziyyətin gərginləşməsi fonunda süni olaraq vətəndaş qarşıdurmasının yaradılması da yaddaşlardan silinməyib. Bu barədə KİV-də bir sıra məlumatlar getsə də, çoxlu müəmmalı məsələrər açılmamış olaraq qalır.
 Həmin müəmmalı məsələlərdən biri də Sovet sistemindən miras qalmış "parçala, höküm sür” siyasətinin Azərbaycanda əsrlərlə yaşamış xalqlara münasibətdə daha əcaib formada tətbiqidir. Tarixlər boyu Azərbaycanda 23 adda azsaylı millət yaşamışdır. Ləzgilər əsasən Azərbaycanın şimalında kompakt şəklində yaşayır. Tatlar və bir sıra digər milli azlıqlar tamamilə asimilə olub qurtarmaqdadırlar. Avarlar tarixən ölkəmizin şimal-qərbində kök salıblar...
Bu gün sayca azlıq təşkil edən xalqlar ölkədə aparılan pantürkçü-şovinist siyasətinin nəticəsində özlərinə ögey münasibətlərin formalaşmasından sadəcə küsərək, sakitcə səssiz-səmirsiz durub heç bir ictimai-siyasi proseslərə qoşulmurlar. Say etibarıla ölkədə ikinci olan xalq talışlardır. Vətənlərinə sıx bağlı olmasına baxmayaraq talışlar istər hakimiyyət, istərsə də müxalifət tərəfdən özməqsədlərindən ötrü yeri gəldi-gəlmədi hədəf seçilir və bu prosesdə onlar heç nədən nə çəkinmir, nə də əməllərini vicdanının "tərəzisinə" qoyub, hansısa məsuliyyyətinin daşımayacağına əmindirlər.
Talışları arxasız görən hakimiyyətlə müxalifət məkirli oyunlarını, cinayətlərini ört-bastır etmək üçün vaxtaşırı olaraq, KİV-də Talışlar barədə əsassız cızmaqara yazılar yazdırmaqla gündəmi dəyişməyi də bacarırlar. Məlum olduğu kimi hakimiyyət tamamilə nüfuz dairəsini itirmişdir. Vətəndaşlarda vətən sevgisi deyilən anlayışdan əsər-əlamət qalmadığı da açıq-aşkar görünür. Demək olar ki, hər gün anaların üstünə min cür əzabla böyütdüyü əsgər balasının tabutunun gətirilməsi və bir çox ictimai narazılıqlar pik həddinə çatması günün reallığıdır. Pantürkçü-şovinistlərin "milli Azadlıq hərəkatı” kimi xalqa sırıdıqları tarixi proseslərin saxtalaşdırılması fonunda "Ümumxalq hərəkatının” bir daha formalaşa bilməməsi reall həqiqətdir.
H.Əliyev öz zamanında "parçala, höküm sür” siyasətini eksperement kimi talışlara tətbiq edib, effektiv olduğundan, özünün bütün qanunsuz və cinayət xarakterli əməllərini talışlatın adına yazıb, talışları gözdən salıb, onların Vətən qarşısındakı xidmətlərinin üstündən qara xətt çəkməsinə də nail oldu. İndiki oğul hakimiyyəti də talışlara münasibətdə müxalifətlə birgə eyni xəttlə işləməsi də sirr deyil.
Hər kəs çox yaxşı bilir ki, ölkədə ictimai-siyasi vəziyyət gərginləşən kimi tez Talışlara qarşı əsassız ittihamlara start verilir. Çox
şükürlər olsun ki, Talışlar artıq onların "qəzetlərini” tərsinə oxumağı
bacarırlar.
Bu yazını yazırdım ki, "Bizim Yol” qəzetindən Talışların ünvanına "Namə” gəldi... (bax: http://www.bizimyolinfo.com/?sehife=1&xeber=7813). Siz də oxuyun, amma insafən dəyərləndirməyi bacarın. Bütün reallıqları da nəzərə almağınız vacibdir.
Amma mənim fikrimcə, yuxarıda dediyim kimi hakimiyyət Qarabağı da, erməni düşmənini də tamamilə unudub, bütün gücünü Talışlara tərəf yönəldib, "Ata yolunu” getməklə Talışlara qarşı yeni üslubda xüsusi əməliyyat hazırlayır. Bu əməliyyatdan isə qan iyi gəlir.
Vətəndaş mövqeyimdən çıxış edərək, Talışlara məsləhət edirəm ki, onsuz da bu qaniçən hakimiyyətin sonuna az qalıb, nə hakimiyyətin, nə də onun "qusduğu” müxalifətin heç bir məkirli çağırışlarına getməyin. Necə özlərinə "ulu öndər”, "milli İdeoloq” seçiblərsə, eləcə də canları çıxıb dözsünlər. Bacarırlarsa, bizsiz qursunlar hüquqi dövlət, görək o neçə ay yaşayacaq?
Biz ayağa qalxıb xorla "EY ANA VƏTƏN” hayqırdıq; şəhidlər verdik, Qarabağda qan tökdük,...Talış balası general Zaur Rzayev Qarabağın qırx kəndini azad etdi; başda duranlar isə alver etdilər, Xalqı parçalamaqla məşğul oldular... Kim bizə sağ ol dedi?
"Separatçı”, "Satqın”, "İranın agenti”, "Rusun nökəri” damğaları bəs deyilmi? Millətimizin adını daşıyan qədim Talış Zonasını "Cənub zonası”, ən qədim yer adlarımızı əndrabadi adlarla dəyişdirilməsi prosesi azdırmı? Yenə də hədəfdəyik! Hədəfdə Talışlardır!
Biz isə yalnız Allaha sığınmışıq, başqa heç kimə...
Mətləb Dadaşov,
06 mart 2013 –cü il,
metleb.dadasov@mail.ru |
