 Əssəlamun-Əleyküm, ey Adəm övladları!
Salamımı almadınız, nə olar. Mən sizin zatınıza bələdəm, ALLAH sizin nəslinizi ADƏMLƏ HƏVVADƏN yaratdı. Nəsliniz artdıqca qəbilələrə, tayfalara... millətlərə bölündünüz, illər, əsrlər, qərinələr keçdi... bu günə gəlib çatdınız.
Uzun-uzadı, tarixdən danışmaq istəmirəm. Ay canınıza daraşım, deyirəm Sizdə niyə abır-həya yoxdur? Necə niyə?! Ötən ilin dekabr ayında "Təzadlar" qəzeti işini-gücünü atıb, guya "sensansion" bir yazı yazmışdı. Yazının qayəsi ancaq türçü-millətçilik parametrləri üzərində qurulmaqla, talışlara hədyanlardan ibarət idi. Əsasən də talış "separatçı"lığından bəhs edilirdi.
Əsassız ittihamlar dolu yazı müəllifi cavabını layiqincə alsa da, həya etməyib, təkrarən talışların quyusuna bir də daş atdı. Yenə cavabını aldı. Sonda, aşığın sözü qurtaran kimi, qəzetin baş redaktoru Asif Mərzili "humanist, barışıq mövqe"sini sərgiləyərək, o milli söhbəti gətirib evinə çıxardı: "Mənim gəlinlərimdən biri talışdır" ifadəsini işlətdiyindən o iftiralara cavab verməyə də son qoydum. Fikirləşdim ki, bu adam, səhvini etiraf etdi...
Asif Mərzəli yenə əsassız olaraq, "talışların separatçılığından" qəzetində meydan açıb. Deyirəm ki, ay canınıza daraşım, Asif bəy! Əgər hansısa millət deyir ki, talış Azərbaycanın köklü xalqıdır, türklər isə sonradan gəliblər... məgər bu "talışların separatçı" olması deməkdir?
Deyirəm ki, qulaqlarınızı təmizləyib, eşidin! Azərbaycan çöxmillətli dövlətdir, burada bir söra aborigen xalqlar yaşayır, onlardan biri türk olmaqla digərisi də talışdır! Türklər yerdə qalanların heç birindən saylarından başqa heç nədən artıq deyil!
Talışlar Vətən torpaqlarını satmayıblar, heç bir dövlətlə də gizli danışıqlar aparmırlar. Sadəcə olaraq Sizlərə öz haqqınızda danışmağa yaşıl işıq yandırıldığı kimi, talışlar da öz konstitutsion hüquqlarından çıxış edərək, öz milli haqlarını istəyirlər.
Kimin xoşuna gəlmirsə, türkü məsəli getsin su içsin. Yerinizdə kim olsa, səsini çıxartmağa xəcalət çəkər. Baxın, sizin kimi şovinistlər bu ölkəni nə hala salıblar?! Bəlkə fikirləşirsiniz ki, belə faşistsayağı iftiralar uydurmaqla "türk vətənpərvərliyi" ilə maşğulsunuz, yoxsa Azərbaycanı talışlardan çox istəyirsiniz?
Bütün sahələrdə anarxiyadır. Bundan yazın ki, hər kəsin də sizə qarşı rəğbəti artsın...
Güman edirəm ki, bu karikaturaya baxıb, cavabınızı görərsiniz. Baxın və dərin məhəbbətlə özünüzə vurulun. İmkan verməyin kimsə sizə vurulsun, qoy bütün dünya sizə istehza ilə baxsın...
Neyniyək ki, bu da günümüzün həqiqətidir...
Ditdili bəy
|
