Главная » 2011 » Январь » 23 » Nardaranda İmam Hüseynin 40 mərasimi günü təxribat olacağı bildirilir
14:06
Nardaranda İmam Hüseynin 40 mərasimi günü təxribat olacağı bildirilir
Azərbaycan Respublikasının DIN və MTN-ni tərəfindən Nardarana qarşı təxribat planı hazırlandığı barədə məlumatlar yayılıb. Həmin məlumatlarda iddia olunur ki, təxribatın Imam Hüseynin 40 mərasimi günü həyata keçirilməsi planlaşıdırılır.
Iddialara görə, İmam Hüseynin 40 mərasimində nardaranlılar arasında süni atışma təşkil ediləcək. Bundan sonra DIN və MTN-nin əməkdaşları əməliyyata başlayacaqlar. Əməliyyat zamanı fəallığı ilə seçilən şəxslər həbs ediləcək. Bəzi nardaranlıların evindən silah "tapılacaq”.
"Facebook” sosial şəbəkəsində yayılan bu məlumatların nə dərəcədə doğru olduğunu deyə bilmərik. Bununla belə indiki həssas dönəmdə belə bir olayın baş verə biləcəyi ehtimal oluna bilər.
Hər halda İmam Hüseynin 40 mərasiminə o qədər də çox vaxt qalmayıb. Mərasim yanvarın 25-də keçiriləcək. Bu məlumatların da doğru olub-olmadığı həmin gün bəlli olacaq.
