Главная » 2012 » Март » 22 » Novruzəli Məmmədovun anadan olmasının 70 illiyinə həsr olunmuş tədbir keçirilmişdir (yenilənib -video)
01:42
Novruzəli Məmmədovun anadan olmasının 70 illiyinə həsr olunmuş tədbir keçirilmişdir (yenilənib -video)
Bu gün – 22 mart tarixində dahi talış maarifçisi, talış xalqının dil və mədəniyyət hüquqları uğrunda böyük mübariz, "Tolışi Sədo” qəzetini buraxdığına və talış dilinin və mədəniyyətinin təbliğinə görə həbsə atılmış və üzun müddətə azadlıqdan məhrum edilərək, Bakı türməsində şəhid olmuş professor Novruzəli Məmmədovun 70 illik yubileyi doğma Ərçivan (Arçon) kəndində qeyd edilmişdir.
Yubiley tədbirinə ədəbiyyat və mədəniyyət xadimləri, ictimai simalar, Talış ictimaiyyətinin ziyalıları, hüquq müdafiəçiləri, alimin yaxın dostları və jurnalistlər qatılmışlar.
Tədbirdə Novruzəli Məmmədovun həyatı, elmi və ictimai fəaliyyəti haqqında məruzə və çıxışlar dinlənilmişdir. Natiqlər Novruzəli müəllimin yenilməz vətəndaşlıq mövqeyindən söhbət açmış, onun milli ideallar və talış xalqının hüquqları uğrunda mübarizədə dönməzliyini, Vətənə hədsiz məhəbbətini xüsusi vurğulamışlar.
Talışın ğörkəmli simaları Xanəli Tolış, Allahverdi Bayrami, Hilal Məmmədov, Sabir Şindani, Huseynqulu Məmmədli, Camal Lələzoə, Sərxan Əşrəfi, Barat Qasımov, Mətləb Dadaşov, Faiq Cəfərov, Nəriman Ağazadə, Nəriman Azəri və başqaları Novruzəli Məmmədov haqqında xatirələrini danışmış, onun fəaliyyətinin müxtəlif cəhətlərinə toxunmuşlar.
Tədbirdə həmçinin yübileyə qatılmaq imkanı olmayan talış hərəkatının fəallarının teleqramları elan edilmişdir.
Yubiley mərasimindən sonra iştirakçılar böyük maarifçi şəhid Novruzəli Məmmədovun və onun müəmmalı şəkildə dünyalarını dəyişmiş iki övladının məzarlarını ziyarət etmiş, ruhlarına dualar oxumuşlar. Ustadın məzarı önündə nitqlər edilmiş və hökümətin etnosid siyatəti məhkum edilmişdir.