Главная » 2011 » Август » 12 » Qanunda qanunsuzluq: Hakimiyyət Sülh və Demokratiya İnstitutunun ofisini sökdü
00:35
Qanunda qanunsuzluq: Hakimiyyət Sülh və Demokratiya İnstitutunun ofisini sökdü
Avqustun 11-də axşam hakimiyyət növbəti dəhşətli qanunsuzluq törədərək, Sülh və Demokratiya İnstitutunun Bakının mərkəzində Bədəlbəyli küçəsindəki binasını söküb.
"Axşam saat 8 radələrində meriya və Dövlət Əmlak Komitəsininəməkdaşları fəhlələrlə bilikdə gəliblər. Onlar mənə qonşu binanı sökəcəklərini dedilər və başımıza daş və ya tir düşməsin deyə çıxmağı xahiş ediblər. Lakin ekskavator bizim binanı sökməyə başladı”, deyə SDİ-nin ofisdə olan əməkdaşı Azad İsazadə Turanın müxbirinə bildirib.
Fəhlələr avadanlıq və sənədləri binadan çıxarmaq üçün imkan vermək xahişlərinə və müraciətlərinə məhəl qoymayıblar. Nəticədə SDİ-nin demək olar ki, bütün əmlakları məhv olub.
"Bütün bu əməliyyatlara iki nəfər rəhbərlik edirdi: Dövlət Əmlak KomitəsindənYusif Qəmbərov və Bakı meriyasından Zülfəli İsmayılov rəhbərlik edirdi. Onlar fəhlələrə binanı sökmək göstərişi veriblər, onlar etiraf ediblər ki, söküntü əmri ən yuxarılardan gəlir”, deyə İsazadə bildirib.
Lakin bir müddət əvvəl bu binanın sahibi – Leyla Yunus Bədəlbəyli və ona bitişik küçələrdə binaları qanunsuz sökən meriyaya qarşı iddia qaldırıb. "Məhkəmənin işə baxılana qədər tikintinin dayandırılması haqqında qərarı var, lakin bu qərar hakimiyyəti maraqlandırmır”, deyə SDİ əməkdaşı qeyd edib.
Leyla Yunus Azərbaycanın hüdudlarından kənardadır. Baş verənlərlə bağlı şərh verərkən o, hakimiyyətin əməllərini heç bir əsası olmayan vəhşilik adlandırıb. "Bu bina bizim şəxsi mülkiyyətimizdir, uçqunların altında və bütün əmlaklarımız və SDİ-nin sənədləri, o cümlədən əcdadlarımın fotoşəkilləri orada qaldı. Bu, o deməkdir ki, hakimiyyət onların törətdiyi əxlaqsızlığı və qanunsuzluqları ifşa etdiyimiz üçün məqsədyönlü şəkildə bizi cəzalandırmağı qərara alıb”, deyə Yunus bildirib.
Norveç səfirliyinin əməkdaşları da hadisə yerinə gələrək, vəziyyətlə tanış olublar və baş verənlərin bütün təfərrüatını qeydə alıblar.
"Bizə hər hansı rəsmi, hətta şifahi xəbərdarlıq belə edilməyib. Hətta insan kimi yarım saat da verməyiblər ki, əşyalarımızı və sənədlərimizi çıxaraq”, deyə Azad İsazadə bildirib.
Qeyd edək ki, Füzuli, Bədəlbəyli və s. küçələrdə mənzillərinin qanunsuz söküntüsü artıq bir ildən çoxdur ki, davam edir. Hakimiyyət, faktiki olaraq, bu küçələrdən hər kv. metr üçün 1500 manatlıq kiçik kompensasiya ilə razılaşmayan əhalini deportasiya edir.
Son vaxtlar beynəlxalq mətbuat da bu qanunsuzluqlardan yazır. Belə ki, təkcə bu həftə ərzində BBC radiosu, bu gün isə Nyu York Tayms qəzeti bu barədə böyük reportaj dərc edib. Bütün bu materiallarda həmin küçələrdəki sakinlərin əmlak hüquqlarını fəal şəkildə müdafiə edən Leyla Yunusun rolu xatırladılırdı.
Vehshi hakimiyyeti kimler getirib? Meger vehshiler qanunun ne oldugunu anlayirlar? Vehshilere Azrbaycanda ne Sulh ne de Demokratiya lazim deyil, onlara muti ve savadsiz, exlaqsiz ve yaltaq cemiyyet lazimdi.
Добавлять комментарии могут только зарегистрированные пользователи. [ Регистрация | Вход ]
