Главная » 2012 » Август » 25 » Rusiya Müftilər Şurasının sədri "Tı kto takoy? Davay, do svidaniya" videoçarxının müəllifini müdafiə edir
21:42
Rusiya Müftilər Şurasının sədri "Tı kto takoy? Davay, do svidaniya" videoçarxının müəllifini müdafiə edir
"Tolışi sado" qəzetinin həbsdə olan redaktoru Hilal Məmmədovun Hüquqlarını Müdafiə Komitəsi onun Nəsimi rayon Məhkəməsində 29 avqustda keçirilən ilk məhkəmə prosesinin geniş ictimai dinləmələrini keçirmək barədə qərar qəbul edib.
Ziyalıların, siyasi partiyaların, ictimai təşkilatların və KİV-in iştirakı ilə ictimai dinləmələr 28 avqust saat 12-də Müsavat Partiyasının qərargahında keçiriləcək.
İclasda qeyd edilib ki, Məmmədovun işi üzrə istintaq əvvəllər olduğu kimi kobud prosessual pozuntular və qanunsuz narkotik saxlama, dövlətə xəyanət, milli, irqi sosial və dini ədavətin qızışdırılması saxta ittihamları üzrə psevdo sübutlar yığılması ilə müşayiət edilir.
İş məhkəməyə verilsə də, istintaq Astara, Lənkəran və Masallıda təzyiq yolu ilə sakinlərdən Məmmədova qarşı ifadələr alır.
Müdafiə artıq Hilal Məmmədovun hüquqlarının pozulmasının 3 epizodu üzrə iddia qaldırıb: qanunsuz həbs, mənzilində qanunsuz axtarış və qeyri-insani münasibət.
Həmçinin məlum olub ki, əgər istintaq görüş üçün icazə versə, professor Adil Qeybulla Məmmədovun həkimi olacaq. Məmmədovda ağır astma xəstəliyi var.
Dünyanın 14 elm xadimi Allahşükür Paşazadəyə müraciət edib ki, qətimkan tədbirinin dəyişdirilməsinə kömək etsin. Komitənin üzvü professor Cahangir Şahsuvarlı məlumat verib ki, bu gün QMİ-də görüş keçirib və ona bildiriblər ki, Məmmədovun azadlığa çıxmasına kömək etmək istəyirlər.
Ramazan bayramı ərəfəsində Rusiya Müftilər Şurasının sədri Ravil Qaynutdin Məmmədovun azadlığa çıxmasına kömək etmək barədə Allahşükür Paşazadəyə müraciət edib.
İclasda siyasi məhbuslar probleminin həlli üçün müxtəlif qruplarla birgə addımlar atılması məsələsinə baxılıb.
"Tolışi sado" qəzetinin redaktoru və Talış Mədəniyyət Mərkəzinin sədr müavini Hilal Məmmədov 21 iyunda qanunsuz narkotik saxlama ittihamı ilə həbs olunub. İyulun 4-də ona yeni ittihamlar irəli sürülüb: 274 (dövlətə xəyanət) və 283.2.2 (milli, irqi sosial və dini ədavətin qızışdırılması).
Yerli və xarici demokratik ictimaiyyət qəti əmindir ki, Məmmədov siyasi motivlərlə təqib edilir.
Məmmədov İnternetdə populyar olan "Tı kto takoy? Davay, do svidaniya" videoçarxının müəllifidir.
