Главная » 2011 » Декабрь » 30 » Türk hava hücumu 35 kürdün öldürülməsini təsdiq edib
18:19
Türk hava hücumu 35 kürdün öldürülməsini təsdiq edib
İraq sərhəddinə yaxınlıqda yerləşən kürd kəndinə Türkiyə təyyarələrinin hava hücumu nəticəsində 35 adam ölüb, rəsmilər belə deyir.
Məlumata görə, kontrabandaçıları səhvən kürd üsyançıları sayan türk hərbçilər pilotsuz təyyarə ilə hücum edib.
Hakimiyyətdə olan AK partiyası etiraf edib ki, hava hücumları yanlış hədəfə edilimiş ola bilər. Partiyanın sözçüsü ilkin məlumatların, qurbanların kürd silahlıları deyil, qaçaqmalçılar olduğunu göstərdiyini bildirib.
Doğan agentliyi xəbər verir ki, hücum çərşənbə gecəsi cənub-şərqi Türkiyədəki Sırnak əyalətində, Uludərə kəndi yaxınlığında baş verib. Yerli rəsmilər deyir ki, qaçaqmalçıların daşıdığı yanacaq qutuları partlayıb.
Qurbanlar hadisə baş verdiyi zaman eşşəklərlə sərhəddi keçməyə çalışırlarmış. Uludərə meri Reuters agentliyinə deyib ki, insanlar əsasən yanğın yaralarından ölüblər.
Deyilənə görə, yanacaq və siqaret qaçaqmalçılığı İraq sərhəddindəki kəndlər arasında adi hala çevrilib. Amma Kürd İşçi Partiyasından (PKK) olan silahlılar da bu sərhəddi keçərək Türkiyə qüvvələrinə qarşı hücumlar ediblər.
Oktyabr ayında PKK reydləri zamanı 24 türk əsgəri öldürülmüşdü. Türkiyə qüvvələri bir neçə hava və quru hücumları ilə cavab vermişdi (bbc).
