Ha azizə bolion iyən hovon! Çəmə jıqo qıləy mərəz... aaaa... dəqjiyəjm problem heste. Ki bıbo tolışi lider? Çəmə milləti qıləy xosiyət heste ki, həmmə pedə bəpe bınıştı...
Adi qıləy diyədə əqəm qıləy təşəbbus bıbo ki, misalçun: "bə di ro okornəmon" - təbii ki, ım təşəbbusi təşkil kay iyən əy bə vırə rosne lozim bəbe. Bomi çiç lozime? Qıləy LİDER. Mərəkən çımi bəpeştə bino bedə. Oxo iyo pul qırdəkay heste. Həmə ıştə səy hastə bənav, xususən tamahkoə odamon lap ıştəni əsir kardən ki, ım liderəti bə dast dəvonı. Əl ğərəz binobedə dave-şave, hor-horone, təkum-bıkum ki, ımi bə dast dəvonı. Lap bərk qəpjəkəs çımi çəy qəvisə tiki bərk "ekuye" zındə, təhəri ımi bə dast dəvondə. Həmmə demi rozi be bəpeşt, maştənə rüji qırdəbe bə qərar omdən. Hakəs şedə bəştəkə. Maştənə çəsədə ha kəs ıştə lefi edoydə bəştə sə, fik kardə ki, çı lideri koy çoknə şatkə. Qırdəbe vaxt ki çoknə rəstə, i kəs de "kom heste", i kəs de sədoji mahnə, i kəsən de omə ğonaği mahnə iyən co-co mahnon ın yazığə lideri kardən baykot. Peşeən iyo-əyo 2 kəs 3 kəs qırdə bedən, əy noydən bə məsxərəki, əv hiç kəsi qırdə kay zındəni. De minvali di roən mandə bəştəsə kuye-kuye. Tolışi ım mərəz konco bıbo, kom səviyyədə bıbo, kom koədə bıbo, çı koki, bə ivrə qırdəbin ıştəni nişo doydə.
Ha esə ım proses tolışi hərəkatdən lap bevəcə biaburçiyə formədə ıştəni buruzə doydə. Zulfuqar rəhmətdiqi votənəy: "Ha kəsi qəvədə i curə həvo Osmondə şedəbe ha kəsi ləvo".
Həmmə lider be pedə, əncəx ki, hiçki kokay pedəni. Ha kəsi de veə qəpje liderıj be pedə. Co milləti dasti jiton de həvəsi komon kay pedə. Əncəx ki, iyəndımon bə hisobmon se pedəni. İ təhəri ım hərəkatmon nubəton binomon kardəbəy vallahi billah tolışi xəlq əməni jıqo çı "kəminəku" dəvoniki, hiç xəbə nıbə çəmə lideri ki be-nıbe ıştən boçtə kəminədə əmandi. Əvən şək niki çəmə vahid lider əbi. Əve həmə boən bə kəminə... eeee... iyən dəqjiyəym bə hərəkat omjən bıbən.
Kadusiya bila, bati i qila she vote baznem, saytada sha meteriali ba dumu pegatedanin, im adi qaydaye. Materiali detoba chap be, chanda bivotoj muzakira, maslahat kay baznemon. Material she babeshta bay qine, iminci bashta ishtan hurmatsizatiye, dimincian im ba hich galib eginda ni. Ba qora imi galacakada ba nazar bisan. Detoba chap be az materialon agar alaqada bibuj diti maslahat kay baznem.
Diminayan, bi materialda chich bashti xosh omeda ni, ishta fikri binivisht, oyo bo chap kay hozom. Hesob kardedam ki, tolishi gashang nivishtedaj, binivisht ishta munasibati bina ba maydon....