Главная » 2011 » Январь » 19 » Azərbaycanın Avropa Şurası yanındakı daimi nümayəndəsi Arif Məmmədov yalan danışır
15:10
Azərbaycanın Avropa Şurası yanındakı daimi nümayəndəsi Arif Məmmədov yalan danışır
Leyla Yunus: «21 öhdəlikdən yalnız 4-ü tam yerinə yetirilib»
«Heç olmasa bu cənab öhdəlikləri oxuyardı» Azərbaycanın Avropa Şurasına üzv olmasından on il ötür. Bəs ötən müddət ərzində ölkəmizin bu qurum qarşısında götürdüyü 21 öhdəliyin neçəsi tam yerinə yetirilib?
Azərbaycanın Avropa Şurası yanındakı daimi nümayəndəsi, səfir Arif Məmmədov ölkənin təşkilat qarşısında götürdüyü bütün öhdəlikləri yerinə yetirdiyini deyib. Onun sözlərinə görə, yeganə qalan məsələ Dağlıq Qarabağ münaqişəsinin sülh yolu ilə həll edilməsi öhdəliyidir.
Lakin səfirin dedikləri birmənalı qarşılanmayıb. Sülh və Demokratiya Institutunun direktoru Leyla Yunus Arif Məmmədovun yalan danışdığını və Azərbaycanın öhdəliklərin böyük əksəriyyətini yerinə yetirmədiyini bildirdi. Hüquq müdafiəçisinin sözlərinə görə, Dağlıq Qarabağla bağlı öhdəlik isə yüz faiz yerinə yetirilib: "Arif Məmmədov yalan danışır. Dağlıq Qarabağla bağlı öhdəliyi Azərbaycan yerinə yetirib, Ermənistan isə yox. Heç olmasa bu cənab öhdəlikləri oxuyardı”.
L.Yunus rəhbərlik etdiyi qeyri-hökumət təşkilatının Azərbaycanın öhdəliklərinin yerinə yetirilməsi ilə bağlı 2006-cı ildə monitorinq keçirdiklərini və nəticələri qurumun saytına yerləşdirdiklərini də qeyd edib. Bu barədə o, "Azadlıq" qəzetinə deyib: "Sülh və Demokratiya Institutunun Azərbaycanın Avropa Şurası qarşısında öhdəlikləri yerinə yetirməsinə dair xüsusi layihəsi var idi. Bu monitorinqin nəticələri üç dildə bizim saytda yerləşdirilib. Bütün öhdəlikləri üç qrupa bölmüşük. Monitorinq göstərdi ki, 21 öhdəlikdən 4-ü yerinə yetirilib. Bu öhdəliklərdən biri Qırmızı Xaç Cəmiyyəti üzvlərini Azərbaycan türmələrinə buraxmaq və Qarabağ münaqişəsi ilə bağlı sülh danışıqlarına yardım etməklə bağlıdır. Qətiyyən yerinə yetirilməyən 7 öhdəlik qalıb. Bunlar siyasi məhbus probleminin həlli, yaxud Avropa konvensiyasına əsaslanan təkrar məhkəmə prosesinin keçirilməsidir. Azərbaycanda siyasi məhbus və vicdan məhbusu məsələləri həllini tapmayıb. Işgəncə faktlarına dair öhdəlik yerinə yetirilməyib. Işgəncə nəticəsində insanlar həyatını itirir. Bu günlərdə yenə də belə bir hal baş verdi. Ancaq öhdəlikdə göstərilir ki, mövcud qanunvericiliyə əsasən, işgəncədə adı hallanan hüquq-mühafizə orqanları əməkdaşları cəzalandırılmalıdır. Ancaq təəssüf ki, on ildə işgəncə nəticəsində insanların ölməsinə baxmayaraq, bir nəfər belə cəzalandırılmayıb. Işgəncəni həyata keçirən polislərin adı məlum olsa da, onların heç birinə qarşı cinayət işi açılmayıb. Üçüncü qrupa isə qismən yerinə yetirilən, yaxud kağız üzərində yerinə yetirilən on öhdəlik daxildir. Bunlar Ombudsman, KIV, Vəkillər haqqında qanunun qəbulu, Məhkəmələr və hakimlər haqqında qanuna dəyişikliyin edilməsidir. Məsələn, qəbul edilən qanuna əsasən, ombudsmanın namizədliyini parlamentə Prezident Administrasiyası təqdim edir. Təbii ki, bu namizəd müstəqil ola bilməz. Qanun Ombudsmanın institututun yaralı olmasına imkan vermir. Məhkəmələr və vəkillər haqqında qanunlar da bunun kimi”.
Xatırlayırıq ki, demokratiya yönumlü olmasını iddia edən "Azadlıq" qəzeti həmişə olduğu kimi bu dəfə də milli azlıqlara münasibət məsələsində susmağa üstünlük verib. Xüsusi olaraq qeyd edilməlidir ki, ümumiyyətlə yerinə yetirilməyən öhdəliklər qrupu da var ki, bura daxil olan üç öhdəlikdən ikisi məhz milli azlıqlarla bağlıdır. Azərbaycan hələ 10 il bundan qabaq Avropa Şurası qarşısında üzərinə göturdüyü Reqional və azlıqların dilləri haqqında Avropa Xartiyasını ratifikasiya etmək və Milli azlıqlar haqqında Qanun qəbul etmək kimi öhdəlikləri yerinə yetirməkdən yayınır.
Əlbəttə bunların muqabilində "Azərbaycan Avropa Şurası qarşısında bütün öhdəlikləri yerinə yetirib" demək ag yalan və məsuliyyətsizlikdir...
Ариф Мамедов знает что, и вСовете Европы есть подобные ему люди, так же лгут нагло. По поводу того что Азерб.-н не выполняет свои обязательства перед ЕС, значит можно их не выпольнять!
Добавлять комментарии могут только зарегистрированные пользователи. [ Регистрация | Вход ]
