Главная » 2011 » Январь » 31 » Talış Mədəniyyət Mərkəzinin Azərbaycan Respublikası ali qanunverici və icra orqanlarına Muraciəti
23:48
Talış Mədəniyyət Mərkəzinin Azərbaycan Respublikası ali qanunverici və icra orqanlarına Muraciəti
Azərbaycan Milli Elmlər Akademiyası (AMEA) 01 yanvar 2011-ci il tarixdən başlayaraq yeni doğulan uşaqların soyad sonluqları seçimləri ilə əlaqədar Nazirlər Kabineti qarşisında tövsiyə xarakterli vəsadət qaldırmış və bu sənəd mətbuatda dərc olunmuşdur. Bu vəsadətdə əvvəllər MM tərəfindən qəbul olunmuş «zadə» soyad sonluğundan imtina edilmişdir.
Eləcə də, son zamanlar soyad sonluqlarımızın yenidən dəyişdirilməsi ilə bağlı mətbuatda açıq diskusiyalar aparan türkoloq alimlər, habelə MM deputatları N. Cəfərov və S. Rüstəmxanlı Azərbaycanda tarixən rəgbət bəslənilən «zadə» soyad sonluğuna qarşi birtərəfli mövqe nümayiş etdirmiş və sözü gedən soyad sonluğunun aradan götürülməsi üçün reallıqdan uzaq təkliflər vermişlər.
Azərbaycan Respublika Talış Mədəniyyət Mərkəzi MM-in deputatları N.Cəfərovun, S.Rüstəmxanlının timsalında bir neçə millət vəkilinin və AMEA Rəyasət Heyətinin Terminologiya Komissiyasının respublikamızın vətəndaşlarının soyad sonluqlarına birtərəfli yanaşmasından narahatçılıq keçirdərək bildirir ki, Azərbaycanın aborigen etnoslarından olan talışlar soyadlarını tarixən (Sovet İmperiyası dövründən başqa) «zadə», «i» və «son» sonluqlarından istifadə etməklə yaratmışlar. Hesab edirik ki, AMEA «zadə» soyad sonluğunu fars mənşəli sayaraq, AR Nazirlər Kabineti qarşisında qaldırdığı vəsadətdə bu sonluqdan imtina etməklə respublikamızın avtoxton etnokulturalarına ögey və konyunktur münasibətini göstərmiş və milli ədalətsizliyə yol vermişdir. Təəssüf edirik ki, AMEA adlar və soyadlarla bağlı müvafiq komissiyası ölkəmizin etnosivilizasiya prossesinə obyektiv tarixi təhlillə deyil, subyektiv yanaşaraq, yeni tarixi səhvə yol vermək istəmişlər. Vətəndaşlarımızın soyadlarla bağlı olan hüquqları bərpa etməklə məsgul olmaq istəyən bu komissiya nəzərə almamışdır ki, Avropa insan dəyərlərinə hörmətlə yanaşan Azərbaycan Respublikası 16 iyun 2000-ci il tarixdən 01 fevral 1995-ci ildə Strasburqda imzalanmış Milli azlıqların müdafiəsi haqqında Çərçivə Sazişinə qoşulmuşdur. Qeyd edilən Çərçivə Sazişin 11-cu maddəsində təsbit eilmişdir ki, Tərəflər azlığa mənsub olanların öz adı, soyadı və atasının adını ana dillərində rəsmiləsdirmək hüququnu tanımağı öz öhdəsinə götürürlər.
AR Talış Mədəniyyət Mərkəzi bildirir ki, «zadə» soyad sonluğu fars deyil, sırf talış mənşəli sonluq olaraq, Azərbaycan türkcəsində «oğlundan» mənasını verdiyi üçün talışlar gələcəkdə də bu və yuxarıda sadalanan "son” və "i” soyad sonluğundan istifadə etmək istəyindədirlər. Bütün bunları nəzərə alaraq AR Talış Mədəniyyət Mərkəzi xahiş edir ki, əgər respublikamızda yenidən soyad sonluqlarının dəyişdirilməsi zərurəti yaranarsa, MM-də təsdiq olunmaq üçün AMEA-nın təklif etdiyi türk mənşəli soyad sonluqları ilə yanaşi məna baxımından talışlar üçün məqbul və ədalətli hesab oluna bilən «zadə» soyad sonluğu da təsdiq edilsin.
@AR Talış Mədəniyyət Mərkəzi bildirir ki, «zadə» soyad sonluğu fars deyil, sırf talış mənşəli sonluq olaraq, Azərbaycan türkcəsində «oğlundan» mənasını verdiyi üçün@
Muraciatdan xabarim olmasa da dastaklayiram...Ancaq ZADA sonlugununsirf talish dilinda olmasi fantaziyasi va onun "oglundan" kimi manalandirmagi man anlamiram...ZADA fars dilindaki ZAYEDAN va TALISH dilindaki ZANDE felinin komudur. ZANDE talishca dogmaq ZODA isa DOGUMLU mansini verir...Yani AHMADZADA familyasi AHMAD vasitasi ila DUNYAYA GALAN manasini verier...M
Добавлять комментарии могут только зарегистрированные пользователи. [ Регистрация | Вход ]
