Главная » 2012 » Ноябрь » 27 » “Hadı Rəcəbli, siz talışların dərdindən xəbərsizsiniz”
23:53
“Hadı Rəcəbli, siz talışların dərdindən xəbərsizsiniz”
Mehtibəy Səfərov: "O, anasının dediyi talış dilindəki laylanı niyə unudub?”
"10 günə yaxındır ki, Azərbaycan Dövlətçiliyi Naminə Demokratik Talış Birliyi (ADN DTB) təsis olunması barədə Azərbaycan ictimaiyyətinə məlumat vermişik.
Çox təəssüflər olsun ki, birliyin fəaliyyət proqramından xəbəri olmayanlar haqqımızda ictimaiyyətə yanlış və çaşdırıcı məlumatlar yayırlar. Hansı ki, o məlumatlar birliyin nüfuzuna xələl gətirir. Biz o insanlara cavab vermək istəyirik”. Bunu AzNews.az-a Azərbaycan Dövlətçiliyi Naminə Demokratik Talış Birliyinin sədri Mehdibəy Səfərov dedi.
Sədrin fikrincə, yenicə doğulan körpəyə "sən banditsən, terroristsən” deyib onu boğmaq düzgün deyil: "Bunlar məqsədli şəkildə əleyhimizə yönəlmiş bir təbliğatdır. Biz həmin adamlara deyirik ki, siz kifayət qədər Azərbaycan ictimaiyyətini çaşdırmısınız, daha bəsdir. Bizim talış zonasından seçilmiş deputatlarımız var - Hadı Rəcəbli, Hacıbaba Əzimov...
Hadı Rəcəbli yalnız özünə lazım olanda talış adından danışır. Ay Hadı müəllim, Siz Milli Məclisdə oturmusunuz, amma talış xalqının problemlərindən xəbərsiz bir adamsınız. Deputatsınız, səlahiyyətləriniz var, Lənkəran televiziyasında yarım saatlıq talış dilində bir proqram olsa, nə olar? Bunun üçün həmin kanala bir dəfə də olsun rəsmi məktub göndərmisiniz. Niyə?
O kanalda yarım saatlıq talış musiqisi səslənsə, nə olar? Mənim, sizin ananızın talış dilində dediyi laylalar, nəğmələr var. Hansı ki, o nəğmələri taxıl, çay yığımında səsləndirirlər. O laylalar vaxtilə bizim beşiyimizin üstündə deyilib. Hadı Rəcəbli anasının dediyi talış dilindəki laylanı niyə unudub? Onun anası ona talış dilində lay-lay çalmayıb? Axı Sizin diliniz var - talış dili... Onu necə unuda bilirsən? Təəssüf edirəm ki, belə bir adam zonamın adından parlamentdə oturub. Bəyanatımızdan xəbəri olmadan haqqımızda cəfəngiyatlar səsləndirməklə məşğuldur. İstəyir ki, bizim vasitəmizlə özünə reytinq yığsın”.
M.Səfərov onu da bildirdi ki, talış birliyinin üzvləri arasında Lənkəran türkləri də var.
