və yaxud faşist mövgeli pia.az saytının talışlara nifrəti nədən irəli gəlir
Hillari Klintonun İran xalqına səslənib onu İslam rejiminə qarşı qalxmasını deməsi, bizim İslamla düşmən olan həmvətənlərimizi işə saldı
Azadxeber.az saytı Pia.az saytının Hicab qadağasına görə həbs olunan dindarların heysiyyatına toxunaraq və ümumiyyətlə namuslu müsəlmanların heysiyyatlarına toxunaraq həbs olunan ruhanilərə İran damğasını vurmağı və bu prosesə Talış millətinidə qatmağını sizə təqdim edirik:
""Biz vilayət uşaqlarıyıq”, "Müqavimət alnımıza yazılıb” kimi şüarlarla Azərbaycanda öz varlıqlarını isbat etmək istəyən İran dindar kartından istifadə edərək, bir nəticə əldə edə bilmədi. Nəticədə iranyönümlü dindarların əksər liderləri həbs olundu, neçə ildən bəru qurulan sistem də çökdü.
Hazırda isə İran ciddi-cəhdlə talışlar üzərində iş aparılır. Talışlara qarşı diskirminasiya siyasəti aparılmasına dair uydurma xəbərlər gündəmə gətirilərək, Bakıda gerçəkləşdirilə bilmədikləri "üsyan” ssenarisini cənub zonasında reallaşdırmaq istəyirlər.
Bölgədən verilən xəbərə görə, vərəqələr paylanaraq, cənubdakı talış əhalini Azərbaycana qarşı üsyana təhrik edilir. İranın Masallı və Lənkərandakı emissarlarının sünni-şiə məsələsini də qabartdığı bildirilir. Xəbərdə bildirilir ki, əhali arasında ajiotaj yaradaraq, xalqı yerli rəhbərliyə tabe olmamaq çağırışları edilir. Naxçıvan kimi cənubun da Muxtar Respublika olması fikri yayılır.
Bununla paralel olaraq, Moskvada yaşayan və bizneslə məşğul olan talışlar arasında şaiyələr yayaraq, Azərbaycanda talışların sıxışdırılmasını iddia edirlər. Rusiyadakı talışların açdığı "talış” saytı da bu məsələdə İranın "dəyirmanına su tökür”: "20 ildir ki, Azərbaycan Respublikasında olan rejim "talışdan separatçı düzəltmək" ətrafında dönmədən təbliğat aparır, talışın bir millət olaraq özünü tanımasını, öz tarixinə, dilinə, mədəniyyətinə yiyə durmaq istəyini "separatçılıq" kimi təqdim edir."
Talış saytı əlavə edib : "MTN"-nin böyük bir bölümü bu istiqmətdə gecə-gündüz ağlasığmaz şeylər uydurur. Xalqımızın ziyalıları barədə informasiya toplanılır, onlar nəzarətə götürülür, barələrində xususi dosyelər hazırlanır, xəfiyyə sistemi tərəfindən izlənilir, telefonları dinlənilir, vətəndən didərgin salınır, həbsxanalara salınaraq olmazın işgəncələrə məruz qoyulur, öldürülür, həmtanışlar bir-biriləri barədə danos verməyə, bir-birilərinin üzünə durmağa məcbur edilir..., bir sözlə rəsmi Bakı kimsənin özünü talış hiss etmək istəyi ilə total müharibə aparır."
Bu cümələri həyəcansız oxumaq mümkün deyil. Azərbaycanda siyasi problemlər olsa da, milli zəmində kimsəyə qarşı təzyiqlərin olması isə ağ yalandan başqa bir şey deyil. Kimsənin milli mənsubiyyətinə görə aşağılanması faktına yalnız İranda rast gəlinir. 30 milyon Azərbaycan türkünün heç bir hüququ yoxdur. İrandan fərqli olaraq Azərbaycanda kimsəyə milliyyətinə görə təzyiq olunmur. İran isə "adımı sənə qoyum” deyərək, islamçılarla əldə edə bilmədiyini ölkədən qaçan talış separatçıları vasitəsi ilə həyata keçirmək istəyir".
P.S. Əvvəla, əziz həmkar həmvətənlilərimiz olan PİA.AZ saytının əməkdaşlarını və yaxud bu məqaləni yazan insanları İslamla bağlı məsələlərdə Qərəzsiz olmağa və mədəniyyətlərini qorumağa dəvət edirik. Əgər İranla və Talış milləti ilə probleminiz varsa əziz PİA.AZ saytının yazarları, bu öz işinizdir. Hər bir insanın özünəməxsus dünya görüşü və təfəkkürü var. Amma İslamla bağlı olan şəxsi fikirlərinizi kənara qoyaraq, Hicab və Məscid məsələlərinə görə həbs olunan İslamçılar barəsində fikir söyləməkdə sizə tələsməməyi və vicdanla hər şeyə qiymət verməyi tövsiyə edirik. Heç kəs sizə ixtiyar verməyib Həbs olunan ruhanilərə İran damğası vurasınız. Vicdanı olan müsəlman əgər o iddia edir ki, müsəlmandırsa bir dəfə gedib Hicab məhbuslarının məhkəmə prosesində iştirak edər və onların kim olduqlarını necə insan olduqlarını və həqiqətən nə istədiklərini araşdırar. Belə olmayan halda mediyada ağlınıza gələni yazmaq ən azından mədəniyyətsizlik və etikadan uzaqdır. Gələcəkdə PİA.AZ saytının kollektivi bu yerli iradımızı nəzərə alaraq belə məqalələrdə mədəniyyətə və vicdana diqqət yetirməyi unutmaz.
azadxeber.az
|