Mı Səydəmirə boli 20 sorisə veye ki, zındəm! Əv təmkinin, ədolətin, ağılmand, səmimi, dıləsut, vətənpərvər, şəxsiyyətin, xeyzoncon qıləy ruşinfikə TOLIŞƏ MERDE!
Seydəmir Məmmədov çı Boku Şağan qəsəbədə jidə. Ixtisasıj tarix muəllime. Hakənəy de ustad Əli Nasiri şedəmon çəy kəy. Maşallah, çokə boğış dərosnə. Nıştəmon boğədə, məxməri çay peşome-peşome ıştə xalqi jiemoniku dıli-sıxto söhbət kardəmon...
Səydəmir muəllim bo Tolışi milli-mənəvi irsi, çəy mədəni dəyəron gin nıbero dastoj omə ha koməkəti kardə. Əv ə Tolışə məclis əbıni ki, vəy fəal iştirak nıkə.
Çəmə boli həmən, əsıl sıprişə merde! Bə i-yəndı pearış kardəkəson, bə şərbəşərənə odəmon, bə xalqi koy pəl bıjənə odəmon həmişə məzəmət, əvoni islah kay qorış coni-dılo səy nışo doydə.
Mı həmişə bə Xıdo lovə kardəm ki; “İlahi, bə çımı xalqi – bə Tolışi bənə Səydəmir muəllim təki mukəmməl, mudrik, mərd, səxavətin, əğedəyn, qururinə merdon ve baxş bıkə!”
Ve hurmətinə tolışon, xosə duston! Imruj, çı mayə manqi 16 - Seydəmirə boli movardə ruje! Imruj çəy 59 sin təmom bedə!
Az çəmə xalqi ve cəfokəş, ruşinfik, ictimai fəal bə yolə zoə - Seydəmir muəllimi de movardə ruji munasibəti dıli-sıxto təbrik kardəm. Bəy xəşəcon, dırozə umur orzu kardəm! Səyd, Xıdovandi-Aləm bə Şımə həm şəxsi konədə, həmən çəmə xalqi inkişafi roədə həmişə fırsənd bıdə!
Movardə rujın xose, mubarəke, şinə boli!
Xıdo Şıməni bə Tolışi ve nızıno!
Bə Şımə de ve yolə hurməti, Şımə xotı ve piə,
Mehdibəy Səfərov
