Главная » 2017 » Июль » 17 » Rusiya talış ictimai təşkilatları 1993-cü ildə Talışda baş verən hadisələrin 24 illiyini qeyd etməyə hazırlaşır
10:56
Rusiya talış ictimai təşkilatları 1993-cü ildə Talışda baş verən hadisələrin 24 illiyini qeyd etməyə hazırlaşır
Talışİnfo xəbər verir ki, 16 iyun 2017-ci ildə Moskva şəhərində Rusiyada fəaliyyət göstərən talış ictimai təşkilatları Azərbaycan Respublikasının tərkibində Talış Muğan Muxtar Respublikasının (AR TMMR) elan edilməsinin 24-cü il dönümünün qeyd edilməsiylə bağlı birgə Təşkilat Komitəsi təsis ediblər.
Təşkilat Komitəsinin dünən baş tutan ilk iclasında bu məqsədlə bir sıra məsələlər müzakirəyə çıxarılıb və AR TMMR-nın yaradılmasının 24-cü il dönümü ilə bağlı tədbirlər planı müzakirə edilib. Təşkilat Komitəsi hesab edir ki, tədbirlər planında aşağıdakı məsələlərə: gənclər arasında vətənpərvərlik ideyaların yayılmasına, talış xalqının tarixinin öyrənilməsi və təbliğinə və yeni tarixdə talış xalqının özünüdərki və öz taleyinə sahib durması istiqamətində atddığı addımlara geniş yer veriləcəkdir.
Təşkilat Komitəsinin iclasında Rusiya Prezidenti yanında Millətlərarası Komissiyanın üzvü, Rusiya Talış Diasporu təşkilatının rəhbəri İsmail Şabanov, Moskva şəhəri Talış Milli-Mədəni Muxtariyyatının sədri Adil Nəsirov, Rusiya Talış Diasporu Təşkilatının gənclər təşkilatının nümayəndələri və digər fəallar iştirak etmişlər.
Xatırladaq ki, 1993-cü ilin yayında Azərbaycan Respublikasının Talış regionunda baş verən hadisələrə münasibət bir mənalı deyil. Rəsmi Bakı həmin hadisələrə Azərbaycanın parçalanması və separatism kimi qiymət verir. Hadisənin iştirakçıları, sənədlər və elektron subutlar isə göstərir ki, o vaxt heç də Azərbaycanın parçalanmasından deyil, Azərbaycanın tərkibində talışların özünüidarə hüquqlarını gerçəkləşdirməyə təşəbbüsdən söhbət getmişdir. Hətta bu məqsədlə Azərbaycan parlamentinə müraciət sənədi də mövcüddür.