Главная » 2011 » Май » 13 » Astaranın başçısı camaatı “tas”a oturdub
13:16
Astaranın başçısı camaatı “tas”a oturdub
Burada iki dəfə Heydər Əliyev Mərkəzi tikilib; 25 min manata 25 ağac alınıb; icra hakimiyyəti isə qum satır
Yenə Astaradan (Ostoro) yazırıq. Bu dəfə sondan başlamaq niyyətindəyik. Çünki rayonda olduğumuz müddətdə müsbət enerji ala biləcəyimiz bircə şeylə rastlaşdıq. O da Bakıya qayıdanda Astaranın ən ucuz kafesində yemək yeyən zaman pinəçi Əfi ilə söhbətimizdir. Onunla hər şeydən danışdıq. Hətta mövzunun istiqaməti əqidəyə qədər gəlib çıxdı. Bu zaman pinəçi əqidəyə belə bir tərif verdi - insan mənəviyyatının kənar təsirlərə uymayan ən ali nöqtəsi. Bəli, bunu biz Əfidən eşitdik. Pinəçi Əfidən...
İcra başçısı qum satışı ilə məşğuldur
Astaraya hansı marşrutla hərəkət etmişdiksə, elə də qayıtdıq - qatarla. Elə Dəmiryolu vağzalından başlayaq. Vağzalı rayonun mərkəzindən bir neçə kilometr ayırır. Ancaq elə bilirsən ki, on kilometrlərlə yol gedirsən. Yollar o qədər bərbaddır ki, gəl görəsən. Bizə bələdçilik edən, rayonun ən məşhur şəxslərindən olan Vaqif Əhmədli deyir ki, dövlət büdcəsindən ayrılan pullar ciblərə axıdılır: "Ona görə də yollar bu qədər rəzil gündədir. Icra başçısı yolları asfaltlaşdırmaq əvəzinə, dəniz kənarında olan qumları da satır. Anlamaq olmur, icra başçısı rayonu idarə etməyə gəlib, yoxsa alverə. Dənizin ətrafı istirahət zonasına yox, karxanaya bənzəyir”.
Rayon sakinləri aprelin sonlarında Biləsuvara icra başçısı təyin olunan Mahir Quliyevin əlindən rahatlıq tapdıqlarını deyirlər: "Ancaq biləsuvarlıların halına acıyırıq. Mahir Quliyevin vaxtında Astaraya rəhbərliyi o yox, sürücüsü edirdi. Hər yanda sürücünü görmək olardı. Indi Biləsuvardadır, yəqin orada da Mahir Quliyev icra başçısı vəzifəsinin öhdəsindən gələ bilmir”.
Astara camaatı yeni icra başçısından bir şey gözləmədiklərini dilə gətirdilər: "Yeni başçı Taleh Qaraşovun başı hələlik idarə, müəssisə rəhbərlərinə qarışıb. Məlumat gəzir ki, onların qarşısında ”tas" qoyub. Insanlar da çox əsəbiləşib. Heç bir ay olmaz ki, Mahir Quliyevə haqq ödəyiblər. Indi də təzəyə pul çatmalıdır. Əminik ki, idarə rəhbərləriylə məsələ həll olunandan sonra növbə sadə camaata çatacaq".
Ölkənin hər yerində olduğu kimi Astarada da işsizlik baş alıb gedir. Insanlar üçün cəmi iki iş yeri mövcuddur - Rusiya və Astara Gömrük Idarəsi. Birincisinə baş vuran insanlar ya vətənlərinə gec-gec qayıdırlar. Qazancları günəmuzd olduğu üçün ailələrinə o qədər də yardım edə bilmirlər. Ikincisi isə əsl gestapodur. Insanlar bir qarın çörək üçün ora - Irana üz tuturlar, "bizimkilər” onlara elə bir iş qururlar ki, getmələrinə peşman olurlar.
Deputatlarını görməyən astaralılar
Astarada Icra Hakimiyyətinin binası ilə üzbəüzdəki Heydər Əliyev Mərkəzi iki dəfə qurulub. Özü də sıfırdan. Bir dəfə tikiblər. Kimlərinsə xoşuna gəlməyib və yenidən tikməyi əmr ediblər. Bir sözlə, Astaraya ayrılan büdcə də bu cür tikinti işlərinə sərf edilir. Heydər Əliyev Mərkəzinin arxasında şam ağacları da basdırılıb. 25 ağacın hər birinə 1000 manat ödənilib. Beləliklə, bir mərkəzin, özü də arxasında o qədər də görünməyən yerdə əkilən ağaclara görə 25 min manat da büdcədən belə silinib.
Sosial yardımlar da sadə vətəndaşlara verilmir. Imkanı olan, xarici maşınla şəhərin bu başından o başına hərəkət edən şəxslər ünvanlı sosial yardım ala bilir, ancaq 3-4 körpəsi olan ailələr isə bundan məhrumdur. Hər kəsi bir cür yola salırlar. Kimi sınıq-salxaq maşını olması adıyla yola verilir, kimi adında bir-iki sot torpağın olması ilə əliboş qayıdır, kimi də ona çatacaq müavinətə görə dəyərindən çox pul tələb olunduğu üçün verə bilmir. Başqa ünvanlarda öncədən razılaşdırılmış əlli-əlliyə (bir ilə verilən sosial yardımın yarısını idarəyə qaytarmaq şərtiylə - R.D) prinsipi Astarada o qədər də keçərli deyil.
Astaralılar millət vəkillərindən xeyir görməyiblər. 76 saylı Lənkəran-Astara seçki dairəsindən deputat mandatı verilmiş Ziyafət Əsgərovu və 77 saylı Astara seçki dairəsindən mandat almış Aslan Cəfərovu görmək astaralılara nəsib olmayıb. Problemlərlə yerində tanış olması üçün sakinlər bir neçə dəfə A.Cəfərova sifariş göndəriblər, o da məntiqli cavab yollayıb: "Məni seçicilər deputat seçməyib ki, onlara da yardım edim. Məni kim təyin edibsə, ona da qulluq edirəm”.
Rayonun mərkəzində ancaq quruculuq işləri gedir. Yol kənarında olan binaların görünən tərəfi restavrasiya edilir. Qalan yerlərdə isə köhnə hamam, köhnə tas. İlham Əliyevlə görüşə gətirilən narkoman imiş...
Bu yaxınlarda Ilham Əliyev Talışa (müəlliv burada "cənub bölgəsi" ifadəsini işlədib - TALISH.ORG) səfər etmişdi. Masallıdan tutmuş Astaraya qədər hərəkət edən ölkə başçısının qarşısına öncədən öyrədilmiş adamlar çıxardıblar. Bahalı geyimləri ilə diqqəti cəlb edən xüsusi şəxslərin kimliyi sonradan bəlli olub. Sakinlərin fikrincə, işin ən pisi Astarada olub. Camaat Ilham Əliyevlə görüşmək istəsə də, onlara icazə verilməyib. Evlərindən çıxmaq belə mümkün olmayıb. Ölkə başçısı ilə görüşə bir qrup adam çıxardılıb ki, onların da vəsf eləməkdən başqa əllərindən heç nə gəlməyib. Bizimlə söhbət edən sakinlər deyirlər ki, Ilham Əliyevin "qəbulunda” olan şəxslər nə rayonun ziyalıları, nə də müəllim kontingenti olub: "Elə adamlar var idi ki, onların kim olduğunu bütün rayon camaatı bilir. Ilham Əliyevlə görüşən adamlardan biri iki il öncə narkotik üstündə həbs olunmuşdu”.
Həmin şəxsin adını bizə açıqlayan astaralıların sözlərinə görə, məmurlar ölkə başçısını hər yerdə biabır etmək üçün yarışa giriblər: "70 yaşlı Əsgər Zeynalov iki gün öncə narkotik üstündə həbs edilib, sonra buraxıblar. Adi vətəndaşlara icazə verilmirdisə, heç olmasa bir-iki ziyalı, müəllim görüşdə olardı. Daha Astarada heç kəsin qəbul etmədiyi insanları niyə efirə çıxardıb bizləri də rüsvay edirlər? Həmin adamları ölkə başçısına rayonun ağsaqqalı, ictimai xadim kimi təqdim ediblər. Belə biabırçılıq dünyanın heç yerində yoxdur”.
***
Astaradan qayıdırıq. Rayon sakinləri ən böyük dərdlərini - işsizliyi tez-tez dilə gətirməkdən sanki zövq alırlar. Deyirlər ki, ölkədə işsizliyin tüğyan etməsi gəncləri narkomaniyaya sürükləyir.
Pinəçi Əfi necə də gözəl deyib - əqidə insan mənəviyyatının kənar təsirlərə uymayan ən ali nöqtəsidir...
A.Cəfərov: "Məni seçicilər deputat seçməyib ki, onlara da yardım edim. Məni kim təyin edibsə, ona da qulluq edirəm”
A.Cəfərova sifariş göndərənlər axmaqlıq ediblər axı. Bu deputatları prezident I. Əliyev "seçib" astaralılar yox, niyə başlarndan böyük qələt edib başqasının deputatına sifariş göndərirlər?
Jurnalist getsin uşaq başını aldatsın, prezident özü tapşırır ki, qabağına adam-filan çıxarmasınlar, çıxarandada oğraşları çıxarsınlar.
Добавлять комментарии могут только зарегистрированные пользователи. [ Регистрация | Вход ]
