("Millətim” qəzetinin 9-15 dekabr 2010- ci il tarixli sayında Elnur Eltürk adlı birisinin "Separatçıların Talışıstan arzusu” cıma-qarası ilə bağlı)
SSRİ-də yenidənqurma başladığı vaxtlar, konkret olaraq 80-ci illərin sonlarında bu gün özlərini türk millətçisi kimi qələmə verənlərin ERMƏNİ dayıları üstümüzə qalxdılar. 1988-ci ilin məlum hadisələrində bir çox qətllər törətdilər. O vaxtlar bu gün ifratçı-millətçi xəstəliyinə tutlmuşlara oxşamışlar çıxırdılar televiziya ekranlarına, ermənilərə yaltaqlanaraq qonşuluqdan, qohumluqdan ağızdolusu danışırdılar. Hələ dünyasını dəyişmiş şair-yazıçıları demirəm, lap elə bu gün millətə saxta vəkillik edən, QHT-lər yaradıb, haram neft pulları hesabına maliyələşən məddahları demirəm...
Məlumdur ki, talışlar ilk günlərdən etibarən hadisələrə isti-isti, konkret vətənpərvərlik münasibəti bildirdilər. Topxanada ermənilər meşələri qırmağa başlayanda, ilkin olaraq Lənkəranda talışlar ayağa qalxdı. Moskvanı silkələmək üçün İrandan gələn "Sovtrans” yükdaşıyan maşınların qarşısı kəsildi. Bu dalğa Talış bölgəsini - Astara, Lerik, Masallı, Cəlilabad rayonların əhalisini ayağa qaldırdı. Az keçmədi, qurumsaqların indi düşmən hesab etdikləri Əlikram Hümmətov Milli Azadlıq Hərəkatına rəhbərlik etməyə başladı. Cəlilabadda Miralim Bəhrəmov Talış bölgəsinin qeyrətli kişilərini başına toplayıb Bakıya piyadə yürüş etdi (Bu olaylar o vaxtlar Moskva telekanallarda mütəmadi göstərirdi). Nəhayət, 15 noyabr 1988-ci il tarixdə Azərbaycan xalqı, ilk sıralarda talışlar olmaqla Azadlıq meydanına daxil oldu...
Amma o vaxtlar bu günün millətçi məmurları və yaltaq ziyalılar hələ də ermənilərə və onları qısqırdan Moskvaya məddahlıq edirdilər, tərəddüd içində çabalayırdılar. Yeri gəlmişkən deyim ki, o vaxtlar paytaxt ziyalıları gizlənmişdilər. Sonralar özlərini xalqın lideri kimi Azərbaycana xalqına sırıyanlar meydana - xalqın qabağına çıxmağa ilk günlər cəsarət etmədilər. Məhəmməd Təntəkin, Xəlil Rza, Mənsur Əlison kimi talışsoylular rəhbərlik edirdilər meydan hərəkatına!
O meydanı dağıtmaq üçün çox təxribatlara əl atıldı, məhz Azərbaycanın aborigen etnosların nümayəndələrinin nümayiş etdirdikləri əsl həmrəylik sayəsində bütün təxribatlar dəf edildi. Bu proseslərin nəticəsi kimi meydana gələn Azərbaycan dövlətini bizə ərmağan edənləri bu gün bir para məxluqlar separatçı adlandırır.
O vaxtlar bir tarixi həmrəylik var idi. Bu tarixi həmrəylikdən yararlanan qurmsaqlar maskanlanmış vəziyyətdə hakimiyyətə gəldilər, Azərbaycan etnoslarının birlik, həmrəylik, azərbaycançılıq əqidəsinə xəyanət etdilər, ifrat türkçülük ideyasını süni surətdə Azərbaycana yeritdilər: "Türkün türkdən başqa dostu yoxdur”, "Tanrı türkü qorusun” kimi faşistsayağı şuarları dövlət ideoloqiyası səviyyəsinə qaldıraraq milli ayrı-seçkilik və separatçılıq etməyə başladılar...
O vaxtlar könüllü olaraq 4 körpə və məktəbli uşağımı atama tapşırıb, anamın xeyir-diuası ilə Qarabağ savaşına gedib 7 il Azərbaycan Silahlı Qüvvələrində xidmət etmişəm. Goranboy, Tərtər və Ağdərə istiqamətində gedən qanlı döyüşlərdə iştirak etmişəm. Milli qəhrəmanlarımız Yusif Mirzəyev, Kərim Kərimov, Şikar Şikarov kimi oğullarla əsl dost, qardaş və sirdaş olmuşam. Onlar azadlıq göyərçinləri idilər. Allah yanında da şəhidlik məqamına yetişdilər...
Uzun illər sonra oğlum Naxçıvanın Şahbuz rayonunda bir il altı ay ancaq səngərdə xidmət edib, çimmək, isinmək nə olduğunu bilməyib. Tərxis günündən - 2004-cü ildən bu günədək böyrəkləri müalicə olunur...
Milli mənsubiyyəti naməlum olub, öz soy kökündən imtina edərək, işi-gücü "türk" məhfumuna müxtəlif qondarma sozlər yapışdırıb özləri üçün soyad düzəldənlər hansısa formada gündəmdə qalmaq üçün özlərinə mövzü tapıblar. Hətta gözücü təhlil aparmaqla məlum olur ki, bu zatların əls məqsədləri "talış" mövzüsünü gündəmə gətirməklə Vətənimizi boğaza qədər çirkaba düşməsinin əsl səbəblərini ört-basdır etməkdən başqa bir şey deyil. Belə olmasaydı bu zavallılar heç olmasa mütəmadi Ermənistandakı iqamətgahlarına vaxtaşırı gedən ermənipərəst nazirlərədən, habelə Azrbaycanda vəzifə başında olan erməni əsilli dayılarından yazardılar (deyilənlərə inansaq, belələrinin sayı Azərbaycanda 3 mindən çoxdur). Maraqlıdır, görəsən onlara belə şəraiti talışlar yaratmayıb ki?
Hələ onu demirik ki, Xocalı boyda əsrin faciəsinə Azərbaycan Milli Məclisi hələ də hüquqi qiymət verməyib, Görən nədən bu məsələ hökumətin marağında deyil? Bəlkə səbəb talışlardır?
Bu gün Talışda Xocalıdan beşbətər faciələr baş verir. Cana doymuş əhali çıxış yolunu üstlərinə neft töküb özlərini yandırmaqda görürlər.
Bəli, bu həmən Talışstandır ki, burada hər bir xirda kəndin qəbristanlığını belə Qarabağ döyüşlərində şəhid olmuş ən azı 5-6 şəhid qəbri bəzəyir. Və bu gün də şəhid tabutları Talışstana gəlməkdədir. Görəsən nədən belə mövzular "türk" sözündən özlərinə familiya düzəldənlərin diqqətini cəlb etmir?
Azərbaycanda cirkab içində bulunmayan təkcə beşikdəkilərdir. Bu günkü duruma görə bu məmləkətdə hər kəs ləkəlidir və ən azından heç kəs şübhə etməsin ki, nə vaxtsa ALLAH qarşısında etdiklərinə görə cavab verəcək.
Azərbaycanın köklü xalqlarına qarşı faşistsayağı mövqe nümayiş etdirənlərin qulaqları heç cür eşitmək istəməzlər ki, bu günümüzün Milli Qəhrəmanı, Biləsuvar rayonunun Əliabad sakini Mübariz İbrahimov da əslən Lerikli, talış balasıdır. Əlbəttə bu irqçilər üçün Mübariz kimi oğulların necə və cür şəhid olmaları maraqlı deyil.
Məlumdur ki, hətta beşinci, altıncı dərəcəli məmurlarımız belə övladlarını orduya göndərmirlər. Özləri üçün qanun çıxarıblar: Hər bir çağırışçı doğulduğu yerdən 180-250 km aralıda əsgərlik xidməti etməlidir. (?) Demək qərb zonası və mərkəzi rayonların, iri şəhərlərin uşaqları Lənkəranda, Qubada istirahət etməli, talışlar, ləzgilər... isə Qarabağda şəhid olmağa, bir qismi də Naxçıvana, orada xidmət edən yerli əsgər və zabitlərin zülmlərinə məruz qalmağa getməlidir... Bəlkə separatçılıq və separatizm məhz belə dözülməz şəraiti yaradanların əməllərində axtarmaq lazımdır?!
Şübhə etmirik ki, aranı "talış" mövzusu ilə qatmağa cəhd edən ifratçı-böhtançı-millətçi türklərin əksəriyyəti heç əsgərlik etməyib, bir çoxlarına Azərbaycanın başına gələn bəlalardan diqqəti yayındırmaq üçün neft pullarından tula payı ayrılaraq, "separatçılıq" cəfəngiyatları ilə gündəmi zəpt etmək tapşırığı verilib. Necə deyərlər öz gözündə tiri görməyib, namərlərə uyub mərd gözündə tük seçirlər!
Men ne milletimi ne de xalqimi: avar, talish, lezgi, kurd olaraq bolmedim. Biz hemise bir mehellede en gozel qonsular kimi yasadiq. Irqcilikle mesqul olan "alimler" ozleri ele agildan kenar adamlardi. Her bir milletin, ailenin icinde yaxsisida var, piside var. Bu represiyalar, qurbanlar hepsler tekce sizler ucun deyil butun azerbaycanlilar ucun oynanilan kirli bir siyasi oyundu. Biz bu oyunlarda ishtirak etmeyek hec bir vaxt, eksine daha six dostlugumuzu davam etdirek. Men eslen azerbaycanliyam, ve sizin haminiz, koklu azerbaycan vetandaslari olan talishlarda menim eziz qardas ve bacilarimsiniz. Hec vaxt bu iyrenc rejimin apardigi, iyrenc oyunlara gore bir-birimize kec baxmayaq, biz hamimiz azerbaycanliyiq, bura hamimizin Vetenidi, ve esas genclerimizin, usaqlarimizin ve hemcinin ozumuzun rifahimiz ucun mubariz olaq....Haminiza hormet ve ehtiramla...R.Mammadova
Добавлять комментарии могут только зарегистрированные пользователи. [ Регистрация | Вход ]
